Rocking Around The Christmas Tree – Dezember 2025

15.12.2025

Ho ho ho, Wärti Fründe vo EXTERN! 🎸🎄

Wiänachtä cha cho – mir hei dr Samichchlous grockt!

Während däm angäri brav Läbchuächä u Guätzli hei bached, hei mir in isem Probi z Eblige dr Weihnachtsboum zum Wagglä bracht! – Mit viu Spass, noch meh Luutsterchi und natürli ärä baautä Ladig Rock-Power vom Brienzersee.

Luget dri u firet mit –Nüt drückt «Besinnlichkeit» doch so gued us, wi schön verzerrti Gitarrä und ordäli Krach! 🎅🤘

Äs riisigs DANKE geid a der Steu a aui, dis Jahr a üsne Konzärt mit iis abgfiired, iis d‘ Tröii ghalte und iis das coole Rockerding überhoupt ermüglächt hei! – Dir sid isä Aatriib, für no vili EXTERN Rocking Moments.

Mir wünsche ööch allne vu Härzä äs fulminants Wiänachtsfescht, besinnliche Momänt (falls überhoupt erwünscht) und äs xungs, cools u verdammt rockigs 2026!  – Bliibed luut, bliibed wild!🔥

Rock on & Merry Christmas!
Öii EXTERN – Santas